मुंबई : मार्च २०२० मध्ये घेण्यात आलेल्या माध्यमिक शालांत परीक्षेचा म्हणजेच इयत्ता दहावीचा निकलाची प्रतिक्षा अखेर संपली असुन उद्या दुपारी १ वाजता निकाल जाहीर होणार आहे.
निकाल मंडळाच्या कार्यपद्धतीनुसार
mahahsscboard.maharashtra.gov.in, mahresult.nic.in या संकेतस्थळावर जाहीर केला जात असल्याचे कळवण्यात आले आहे.
यंदा दहावीच्या परीक्षेसाठी राज्यात १७ लाख ६५ हजार ८९८ विद्यार्थ्यांनी परीक्षा दिली होती. यामध्ये ९ लाख ७५ हजार ८९४ विद्यार्थी, तर ७ लाख ८९ हजार ८९८ विद्यार्थिनी आहेत. दहावीची परीक्षा ही ३ मार्च २०२० ते २३ मार्च २०२० दरम्यान घेण्यात आली. मात्र, कोरोनाचा प्रादुर्भाव वाढल्याने सरकारने दहावीचा शेवटचा पेपर रद्द करण्याचा निर्णय घेतला होता. ज्याचे गुण आता इतर विषयांमध्ये मिळणाऱ्या गुणांच्या सरासरीनुसार दिले जाण्याची शक्यता आहे.
कसा पाहाल निकाल?
mahahsscboard.maharashtra.gov.in, mahresult.nic.in या संकेतस्थळावर जा. त्यानंतर Maharashtra SSC Result २०२० रिझल्ट लिंकवर क्लिक करा. त्यानंतर आपला रोल नंबर, नाव आणि आईचं नाव टाकून एंटर करा. Maharashtra MSBSHSE SSC 10th Result २०२० निकाल आपल्या स्क्रिनवर असेल. तुम्ही निकालाची प्रिंट काढू शकता.
