हिंजवडी I झुंज न्यूज : डोळ्यांत तेल घालून देशाचं रक्षण करणारे बहाद्दर सैनिक सणासुदीला आपल्या कुटुंबियांपासून लांब असतात. त्यांची आठवण ठेवत देशाच्या रक्षणासाठी आसाम सीमेवर तैनात असलेल्या या जवानांसाठी “एक राखी सैनिकांसाठी” हा उपक्रम मुळशी तालुक्यातील सह्याद्री प्रतिष्ठान व हिंदुस्तान मुळशी तालुका दुर्गसेविका यांच्या वतीने राबविण्यात येत असून या जवानांना राख्या पाठविण्याचा समारंभ नुकताच शिवतेज गणेश मंदिर, हिंजवडी येथे आयोजित करण्यात आला होता.
यावेळी हिंजवडी सरपंच विक्रम साखरे, ग्रामपंचायत सदस्य विशाल साखरे, सामाजिक कार्यकर्ते विश्वास जांभुळकर, अमित जांभुळकर, सचिन जांभुळकर, किरण जांभुळकर तसेच, श्रीमती मीनाक्षी शिरीषकुमार भिसे. (कारगिल युद्ध शहीद. पॅरा स्पेशल कमांडो, स्नाइपर शूटर, नायक शिरीष कुमार भिसे यांच्या वीर पत्नी), कमांडो सुभेदार नंदकुमार घोरपडे, पॅराशुट स्पेशल फॉर्स), कमांडो रमेश पाटील (२१ पॅराशुट स्पेशल फॉर्स), शुभांगी सरोते (प्रदेशाध्यक्ष वेटरनस इंडिया महाराष्ट्र.), भोलानाथ सिंह ननवग (राष्ट्रीय सचिव व अध्यक्ष वेटरनस इंडिया महाराष्ट्र.), स्मिता माने. (राष्ट्रीय सैनिक संस्था), योगेन्द्र कौशिक (वाईस प्रेसिडेन्ट, वेटरनस इंडिया.महाराष्ट्र) , रमेश वराडे (माजी सैनिक) आणि सह्याद्री प्रतिष्ठानच्या दुर्गसेविका दुर्गसेवक उपस्थित होते.
या कार्यक्रमाचे सूत्रसंचालन कुमारी श्रुती अजय भोईर यांनी तर आभार प्रदर्शन दत्ता मामा कुंजीर यांनी केले. संयोजन, नियोजन आणि विशेष सहकार्य प्रतापराव भोसले यांनी केले.
