पिंपरी I झुंज न्यूज : छावा मराठा सेना महाराष्ट्र राज्य महिला आघाडी उपाध्यक्ष पदी शीतल मोरे यांची नियुक्ती करण्यात आली आहे.
छावा मराठा सेना पुणे जिल्हा आढावा बैठक व शेकडो कार्यकर्त्यांचा प्रवेश सोहळा नुकताच काळेवाडी येथे छावा संघटनेचे प्रदेश महासचिव सचिन भिसे यांनी आयोजित केला होता. यावेळी मोरे यांच्यासह जवळपास ४० पदाधिकाऱ्यांना नियुक्त पत्र देण्यात आले.
या कार्यक्रमाच्या अध्यक्षस्थानी छावा संघटनेचे संस्थापक सुनील भोर होते. तसेच पश्चिम महाराष्ट्र सचिव विशाल भराटे, पश्चिम महाराष्ट्र महिला आघाडी अध्यक्ष संगीताताई नाईकरे पाटील, महाराष्ट्र राज्य महिला आघाडी उपाध्यक्ष शिवकन्या भिसे पाटील, यांसह अनेक मान्यवरांची प्रमुख उपस्थिती होती.
