मुळशी I झुंज न्यूज : चैतन्य विद्या प्रतिष्ठान च्या पेरिविंकल इंग्लीश मिडीयम स्कूल अँड ज्युनियर कॉलेज च्या सूस शाखेत नुकतेच इयत्ता 8वी व 12वी च्या विद्यार्थ्यांना केवळ स्वतःपुरता मर्यादित न राहता सामाजिक बांधिलकी जपून उरावडे येथील “अनिकेत सेवाभावी संस्था” या अनाथ व मतिमंद मुलांच्या पुनर्वसन केंद्राला भेट देऊन तेथील मुला – मुलींना राख्या बांधून अनाथ नाही असा संदेश देऊन सर्वांना आनंद देण्याचा एक आगळा वेगळा उपक्रम राबवण्यात आला. तसेच पेरिविंकल इंग्लीश मिडीयम स्कूल अँड ज्युनियर कॉलेज च्या बावधन शाखेने कोथरूड येथील अंध शाळेतील मुलींना राखी बांधून आगळा वेगळा रक्षाबंधन साजरा केला.

तसेच मेजर ध्यानचंद यांची जयंती तसेच राष्ट्रीय स्पोर्ट्स डे चे औचित्य साधून सूस शाखेत सकाळी मेजर ध्यानचंद यांच्या प्रतिमेचे पूजन करून क्रीडाशपथ घेऊन मेजर ध्यानचंद बद्दल माहिती देण्यात आली तसेच क्रीडादिनाचे औचित्य साधून सर्व विद्यार्थ्यांना बालेवाडी संकुल येथे भेट देऊन सर्व संकुल आतून बघून माहिती घेतली व क्रीडा क्षेत्रातही उत्तम काही करू शकतो याचे उत्तम उदाहरण तेथील खेळाडूंना भेटून सर्वांना समजले . 

रक्षाबंधन निमित्त उरावडे येथील अनिकेत सेवाभावी संस्था या सौ कल्पना वर्पे यांच्या पुनर्वसन केंद्रात जाऊन त्यांच्या समवेत पेरिविंकल च्या विद्यार्थी- विद्यार्थिनींनी रक्षाबंधन साजरे केले. विद्यार्थ्यांनी स्वतःच्या हातांनी बनवलेल्या राख्या बांधून सामाजिक व नैतिक जबाबदारी हाती घेतली. या मुलांबरोबर थोडा वेळ आनंद देण्याचा एक छोटासा प्रयत्न केला व त्यातून आत्मसमाधानाचा अनुभव घेतला. पुस्तकातील अभ्यास तर रोजच विद्यार्थी शिकत असतात पण पुस्तका पलीकडे जाऊन अशी सामाजिक बांधिलकी जपण्याचा एक प्रयत्न व त्यातून येणारा अनुभव व अनुभवातून मिळणारा आनंद आज पेरिविंकल च्या सूस शाखेतील विद्यार्थ्यांना अनुभवायला मिळाला.

एक पुष्टी धान्य योजने अंतर्गत सर्व विद्यार्थ्यांनी गूळ ,साखर ,दाणे ,तांदूळ ,गहू ,ज्वारी , बाजरी ,पोहे ,तेल असेसर्व एकत्र करून सर्व धन्य 40 ते 50 किलो या अनाथ आश्रमात देऊन सर्व विद्यार्थी व त्याचबरोबर शिक्षक कृतकृत्य झाले . सर्व शिक्षकांनी व शाळेकडून ब्लॅंकेट व बेडशीट्स , टॉवेल व रोख रक्कम रक्षाबंधन च्या निमित्ताने भेट देऊन या सेवाभावी संस्थेची दिनचर्या आज अनुभवली.

या अनाथ व मतिमंद मुलांनी शाळेच्या विद्यार्थ्यांसाठी खास डान्स परफॉर्मन्स सादर करून त्यांच्या कलागुणांची खास बरसात करून कार्यक्रमाचे प्रयोजन केले होते .त्यांच्या चेहऱ्यावरचा आनंद बघून स्वतःचे दुःख विसरायला भाग पाडणारी अशी एक आगळी वेगळी रक्षाबंधन भेट आज घडून आली .

या रक्षाबंधन भेटीचे व बालेवाडी संकुल भेट या दोन्ही भेटीचे आयोजन शाळेच्या वेळेतच स्कूल बस ने विद्यार्थ्यांना नेऊन करण्यात आले होते. या संपूर्ण भेटीचे चे आयोजन हे संस्थेचे संस्थापक अध्यक्ष मा श्री राजेंद्र बांदल सर व संचालिका सौ रेखा बांदल यांच्या अध्यक्षतेखाली पेरिविंकल शाळेच्या मुख्याध्यापिका सौ निर्मल पंडित यांच्या नेतृत्वाखाली करण्यात आले होते.सुपरवायजर शुभा कुलकर्णी, सचिन खोडके, माधुरी धावडे व सन्मती चौगुले यांच्या सहकार्याने तसेच सर्व शिक्षकगण ,शिक्षकेतर कर्मचारी व विद्यार्थीवर्ग यांच्या मदतीने ही एक आगळी वेगळी रक्षाबंधन भेट अत्यंत उत्साहात व शिस्तबद्ध पद्धतीने संपन्न झाली. अशी ही भेट सदैव स्मरणात राहील .